Merdân-ı Hak bu dünyâda maksûdlara kalmadılar
Mülk-i bekâ bulmuş iken meyl-i fenâ kılmadılar
Mâlûmdur ahî yol eri Mevlâ için n’etdikleri
Mihnet içinde her biri miskîn olup gülmediler
Müştâkların oldur işi müdâm akar gözü yaşı
Mutlak Hakk’ı seven kişi mâla câna kalmadılar
Meşhûr olup geldi yola Mansûr olan derdi bile
Mecnûn misâl oldu dile mâşûkdan ayrılmadılar
Mahkûm isen sen bu işe münkir gibi deme n’işe
Müşkili yok başdan başa mü’min olan ölmediler
Mahlûk bilisinden geçen Mi’râc dapa oldur uçan
Mânâ şarâbını içen mestlikden ayılmadılar
Menzil bu aşkdır Yûnus’a minnet şükür yüz bin Hakk’a
Menzil bulan buldu mülke medh ile ırılmadılar