Erenlerin himmetini ben bana yoldaş eyleyem
Her kancaru varır isem cümle işim hoş eyleyem
Koyam bu dünyâyı gidem çün âhrete sefer edem
Ol Uçmak’da Hûrîleri ben bana yoldaş eyleyem
Tene yumuşak giymeyem cümlesinden fâriğ olam
Döşeğimi toprak edip yasdığımı taş eyleyem
Vuram yıkam nefs evini oda yana hırs u hevâ
El götürem şimden geri nefs ile savaş eyleyem
Tenim dahi cânım dahi hîç bilmedi Ene’l-Hakk’ı
Şimdiye dek bilmedise şimden geri tuş eyleyem
Bugün gülen kişi bunda yarın ağlayısar onda
Revân döküp göz yaşını yasdığımı yaş eyleyem
Miskîn Yûnus der çağırır âşıkıyam miskînlerin
Dervîş değil ise taşım içimi dervîş eyleyem