Âşık cânına aşk koyan ol bir yüce Sübhân imiş
Cânım içinde bulmuşum cânlara dahi cân imiş
Sevdik yâridir Mustafâ ondan ola meyl ü vefâ
Sıdkı bütün gönlü safâ hem bize ol îmân imiş
Halk içindir bu dil sözü gönüldedir dostun râzı
Gönül dosta söylediği ne der ise Kur’ân imiş
Bir dem gönüle kayıkdım ol gizli varaka bakdım
Uş sırrımı halka çakdım bir pâyânsız ummân imiş
Gelin ummâna dalalım isteyip gevher bulalım
Satalım sarrâf olalım zîrâ tükenmez kân imiş
Eğer bizden almazsanız siz satınız biz alalım
Zîrâ bizim bu gönlümüz sermâyeli dükkân imiş
Ol dükkân açılmadığı kokusu saçılmadığı
Sırrının açılmadığı kilîdi kibr ü kîn imiş
Çün kibrin boynunu ezdin hırs evini bile bozdun
Dükkânı âreste düzdün alan alsın ma’den imiş
Yûnus dahi uyanmadan kendi ölümün sanmadan
Bu doğru yola gelmeden her işleri gümân imiş