Dervîş olan kişiler deli olagan olur
Aşk neydiğin bilmeyen ana gülegen olur
Gülme sakın sen ana iyi değildir sana
Kişi neyi gülerse başa gelegen olur
Âh bu aşkın eseri her kime uğrar ise
Derdine sabretmeyen yolda kalagan olur
Bir kişi âşık olsa aşk deryâsına dalsa
O deryânın içinde gevher bulagan olur
Âşık lâ-mekân olur dünyâ terkini vurur
Dünyâ terkin vuranlar dîdâr göregen olur
Dervîş Yûnus sen dahi incitme dervîşleri
Dervîşlerin duâsı kabûl olagan olur