Aceb değil senin için ger cân fedâ kılur isem
Senin varlığın cân yeter hoşdur cânsız kalır isem
Senin yüzün göriceğiz cânım sana gitdi idi
Senin sevgin bana yeter her kanda kim olur isem
Senin tadın almayana sözüm aceb kelecidir
Ne cânım var ne diriyim bir dem sensiz olur isem
Bâkî suyun içmiş iken belirmez ölüm çeşnisi
Niçe zevâl ere bana sevmek ile varır isem
Niçe ki ben seni sevem ecel eli ermeyiser
Kaçan sunar Azrâîl el ben seni cânlanır isem
Ger sûretim düşer ise niçe noksân ere bana
Kadîmî zerrenim senin niçe düşüp durur isem
Dahı Elest belirmeden âşık idim sen mâşûka
Gözüm şaşı bakmaz benim yüz bin kaba girür isem
Dahı cihâna gelmeden cânım seni sevmiş idi
Minnet değildir Yûnus’a niçe tapu kılur isem