Benim bunda karârım yok ben bunda gitmeğe geldim
Bezirgânım metâ’ım çok alana satmağa geldim
Ben gelmedim da‘vî için benim işim sevi için
Dostun evi gönüllerdir gönüller yapmağa geldim
Dost esriği deliliğim âşıklar bilir neliğim
Değşirüben ikiliğim birliğe bitmeğe geldim
Ol hâcemdir ben kuluyum dost bâğçesi bülbülüyüm
Ol hâcemin bâğçesinde şâd olup ötmeğe geldim
Bunda bilişmeyen cânlar onda bilişemez anlar
Bunda bilişip dost ile hâlim arz etmeğe geldim
Yûnus Emre âşık olmuş mâşûka derdinden ölmüş
Gerçek erin kapısında hâlim arz etmeğe geldim