Aşk eteğin tutmak gerek âkıbet zevâl olmaya
Aşkdan bir elif okuyan kimseden suâl olmaya
Aşk dediğin bilir isen aşka gönül verir isen
Aşk yoluna mâl ne olur cân dahi muhâl olmaya
Âsil-zâdeler nişânın eğer bilmek diler isen
Her sözünün mânâsı var sözü sebüksâl olmaya
Âriflerden nişân budur her gönülde hâzır ola
Kendini teslîm eyleye sözde kîl ü kâl olmaya
Görmez misin sen arıyı her bir çiçekden bal eder
Sinek ile pervânenin yuvasında bal olmaya
Eğer güher ister isen hizmet eyle âriflere
Câhil bin söz söyler ise mânâda miskâl olmaya
Miskîn Yûnus zehr-i kâtil aşk elinden tiryâk olur
İlm ü amel zühd ü tâat pes aşksız helâl olmaya